ಮಕ್ಕಳ ಪದ್ಯ

ಓ ನನ್ನ ಪುಟ್ಟ ಮಗುವೇ ನನ್ನ ಬಾಳ ನಗುವೇ ಒಮ್ಮೆ ಇಲ್ಲಿ ಬಂದು ನೋಡು ಇಲ್ಲಿದೆ ಪುಟ್ಟ ಹಕ್ಕಿ ಗೂಡು ಇಹುದು ಎರಡು ಮರಿಗಳು ಎಷ್ಟು ಸುಂದರ ಅವುಗಳು ಕೆಂಪು ಕೊಕ್ಕು ಬಹಳ ಸುಂದರ ಮೈಯು ಬಣ್ಣದ ಗರಿಯ ಹಂದರ ತಾಯಿ ತರುವ ಗುಟುಕಿಗಾಗಿ ಚಿಂವ್ ಚಿಂವ್ ಎಂದು ಕೂಗಿ ಕಾದು ಕುಳಿತಿಹವು ನೋಡು ಎಷ್ಟು ಚಂದ ಕಣ್ಣುಗಳೆರಡು ವೇದಾವತಿ ಭಟ್ಟ 

ಚಂದಿರ ಚಂದಿರನಲ್ಲಿಗೆ ಹೋಗುವ ಬಾಮ್ಮ ಚಂದದ ಊರನು ನೋಡುವ ಬಾಮ್ಮ ಸುಂದರ ತಾರಾಲೋಕವ ನೋಡಮ್ಮ ಅಂದದಲಿ ಕೈಯ ತುತ್ತನು ಕೊಡಮ್ಮ ತಿಂಗಳ ಬೆಳಕದು ಬಹಳವೇ ಸುಂದರ ಕಂಗಳಿಗೆ ಇದುವೇ ತಂಪಿನ ಮಂದಾರ ಮಂಗಳನಿಗೂ ಇದ ನೋಡಲು ಕಾತರ ಸಂಗಮವಾಗಿದೆ ಚೆಲುವಿನ ಹಂದರ ಚಂದದ ಚಂದಿರನ ನೋಡವ ಬಾರೆ ಅಂದದ ತಾರೆಯ ಜೊತೆಗೆ ತೋರೆ ಬಂದಿತು ಅಮ್ಮ ನನ್ನ ಕಣ್ಣಿಗೆ ನಿದಿರೆ ಸುಂದರವು ಚಂದ್ರನ ಬೆಳಕಲಿ ಈ ಧರೆ

ಅಪ್ಪ ಅಮ್ಮ ಇರುವ ಮನೆ ಕೆಂಪು ಹೆಂಚಿನ ಚಂದ ಮನೆ ನಾನು ಆಡಿ ಕುಣಿವ ಮನೆ ಕುಂಟೆ-ಬಿಲ್ಲೆ ಆಡುವ ಮನೆ ದೊಡ್ಡ ಅಂಗಳ ಇರುವ ಮನೆ ಬಣ್ಣ ಬಣ್ಣದ ಹೂವಿರುವ ಮನೆ ಚಂದಮಾಮ ಬರುವ ಮನೆ ಹಸಿರು ಗಿಳಿ ಹಾರುವ ಮನೆ ನಾಯಿ ಮರಿ ಇರುವ ಮನೆ ಗೌರಿ ಹಸು ಕರೆವ ಮನೆ ಮುದ್ದಿನ ಬೆಕ್ಕು ಇರುವ ಮನೆ ಇದುವೆ ಚಂದದ ನನ್ನ ಮನೆ

ಬೇಗ ಏಳು ಮಗುವೇ ಸ್ನಾನವ ಮಾಡಿ ಸಿದ್ಧನಾಗು ನೀನು ಶಾಲೆಗೆ ಹೊರಡು ಜಾಣ ವಿದ್ಯಾರ್ಥಿಯಾಗು ಗುರುಗಳ ಪಾಠವ ಶ್ರದ್ಧೆಯಿಂದಲಿ ಕೇಳು ಕೇಳಿದ ಪ್ರಶ್ನೆಗೆ ಉತ್ತರ ಲಘುಬಗೆಯಲಿ ಹೇಳು ಗಾದೆಯ ಮಾತಿದೆ ಮಗುವೇ ಜಾಣನಿಗೆ ಮಾತಿನ ಪೆಟ್ಟು ಆದರೆ ಕೋಣನಿಗೆ ಬೇಕು ಉರಿಯುವ ಬೆತ್ತದ ಪೆಟ್ಟು ನೀತಿ ಕಥೆಗಳ ಕೇಳುತ ನೀತಿವಂತನಾಗಿ ಬಾಳು ಹಿರಿಯರ ಮಾತನು ಗೌರವದಿಂದ ಕೇಳು ಸಹಪಾಠಿಗಳೊಡನೆ ಸ್ನೇಹವನು ತೋರು ಎಲ್ಲರೊಳಗೆ ಒಂದಾಗಿ ಒಳ್ಳೆಯದನು ಕೋರು

ಸಮವಸ್ತ್ರವ ಧರಿಸಿ ಶಿಸ್ತಿನಿಂದಲಿ ತಪ್ಪದೆ ದಿನವೂ ಶಾಲೆಗೆ ಹೋಗುವೆನು ಗುರುಗಳು ಹೇಳುವ ಪಾಠವ ಕೇಳಿ ಮನೆ ಪಾಠವನು ಮುಗಿಸುವೆನು ದೇಶವ ಕಾಯುವ ಸೈನಿಕನಾಗುವ ನನ್ನ ಕನಸಿಗಾಗಿ ದಿನವೂ ಓದುವೆನು ಶಾಲೆಯಲಿ ನಡೆಯುವ ಪರೀಕ್ಷೆಯಲಿ ಒಳ್ಳೆಯ ಅಂಕವನು ಗಳಿಸುವೆನು ಸ್ನಾನವ ಮಾಡಿ ತಲೆಯನು ಬಾಚಿ ಶಿಸ್ತನು ನಾನು ಪಾಲಿಸುವೆನು ಉಗುರುಗಳನು ಕತ್ತರಿಸಿತಲಿ ಸ್ವಚ್ಛತೆಯನು ಕಾಪಾಡುವೆನು ಅಮ್ಮನು ಕೊಡುವ ಹಾಲು ಕುಡಿದು ಭೀಮನಂತೆ ಗಟ್ಟಿಯಾಗುವೆನು ಸಮಯಕೆ ಸರಿಯಾಗಿ ಊಟವ ಮಾಡಿ ಆರೋಗ್ಯವಂತನಾಗುವೆನು ಸಹಪಾಠಿಗಳೊಡನೆ ನಿತ್ಯವೂ ಕುಣಿಯುತ ಆಟವನು ಆಡುವೆನು ಭಾರತ ಮಾತೆಯ ಸೇವೆಯ ಮಾಡುವ ಸೈನಿಕನಾಗುವೆನು

ಹೆತ್ತವರಿಗೆ ಹೆಗ್ಗಣ ಮುದ್ದು ನಿಸರ್ಗದ ಸಿರಿಯಲಿ ಮಲ್ಲಿಗೆ ಹಳ್ಳಿ ಒಂದೂರು ಅಲ್ಲಿತ್ತು ರಾಮಣ್ಣ-ಸೀತಮ್ಮ ಎಂಬ ದಂಪತಿಗಳ ಸೂರು ಇವರಿಗೆ ಇದ್ದ ಒಬ್ಬ ಮಗ ಇವನ ಹೆಸರು ಸಂದೀಪ ಆದರೆ ಇವನು ಬಲು ಕಪ್ಪು ಜೊತೆಯಲಿ ಕುರೂಪ ಆದರೇನು ಮಾಡುವುದು ಹೆತ್ತವರಿಗೆ ಹೆಗ್ಗಣ ಮುದ್ದು ದಂಪತಿಗಳಿಗೆ ಅವರ ಮಗ ಸಂದೀಪನೇ ಬಹಳ ಮುದ್ದು ಊರವರ ನಿಂದನೆಗೆ ಕೊಡದೆ ಕಿವಿಯ ರಾಮಣ್ಣ-ಸೀತಮ್ಮನು ಕೊಡಿಸಿದರು ಬುದ್ಧಿವಂತನಾದ ಮಗನಿಗೆ ಉನ್ನತ ಶಿಕ್ಷಣವನು ಪಡೆದನು ಬಹು ದೊಡ್ಡ ಸಂಬಳದ ಕೆಲಸವನು ತಂದೆ-ತಾಯಿಗೆ ಬಹಳ ಕೀರ್ತಿಯನು ತಂದನು