ವೃಷಭ ಪ್ರಾಸ - ಶಿಶುಗೀತೆ

ಚಂದಿರ

ಚಂದಿರನಲ್ಲಿಗೆ ಹೋಗುವ ಬಾಮ್ಮ
ಚಂದದ ಊರನು ನೋಡುವ ಬಾಮ್ಮ
ಸುಂದರ ತಾರಾಲೋಕವ ನೋಡಮ್ಮ
ಅಂದದಲಿ ಕೈಯ ತುತ್ತನು ಕೊಡಮ್ಮ

ತಿಂಗಳ ಬೆಳಕದು ಬಹಳವೇ ಸುಂದರ
ಕಂಗಳಿಗೆ ಇದುವೇ ತಂಪಿನ ಮಂದಾರ
ಮಂಗಳನಿಗೂ ಇದ ನೋಡಲು ಕಾತರ
ಸಂಗಮವಾಗಿದೆ ಚೆಲುವಿನ ಹಂದರ

ಚಂದದ ಚಂದಿರನ ನೋಡವ ಬಾರೆ
ಅಂದದ ತಾರೆಯ ಜೊತೆಗೆ ತೋರೆ
ಬಂದಿತು ಅಮ್ಮ ನನ್ನ ಕಣ್ಣಿಗೆ ನಿದಿರೆ
ಸುಂದರವು ಚಂದ್ರನ ಬೆಳಕಲಿ ಈ ಧರೆ

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಆನೆ ಮತ್ತು ಹಕ್ಕಿ

  ಆನೆಯೊಂದು ಬಂದಿತು ಕೆಂಪು ಹೂವ ತಂದಿತು ಜೊತೆಗೆ ಹಕ್ಕಿ ಬಂದಿತು  ಚಿಂವ್ ಚಿಂವ್ ಎಂದಿತು ಪುಟ್ಟ ಮಗುವು ನೋಡಿತು  ಕುಣಿದು ಕೇಕೇ ಹಾಕಿತು  ಮುದದಿ ನಕ್ಕು ನಲಿಯಿತು ಹೂವು ಬೇಕು ಎಂದಿತು ಆನೆ ಬಳಿಗೆ ಹೋಯಿತು ಕಬ್ಬನು ಮಗುವು ನೀಡಿತು ಹೂವನು ಪಡೆಯಿತು  ಸಂಸತದಿ ನಲಿಯಿತು ಕಾಳುಗಳನು ತಂದಿತು ಪುಟ್ಟ ಹಕ್ಕಿಗೆ ನೀಡಿತು ಹಕ್ಕಿ ಹೆಕ್ಕಿ ಹೆಕ್ಕಿ ತಿಂದಿತು ಮಗುವು ಪುಳಕಗೊಂಡಿತು ಖಿದ್ಮ ಫೌಂಡೇಶನ್ : ಅತ್ಯುತ್ತಮ ಸ್ಥಾನ  28/07/2020
ಇನ್ನಷ್ಟು ಓದಿ

ಪಾಪು ಮತ್ತು ಕನ್ನಡಿ

ವಿಷಯ : ಕನ್ನಡಿಯೊಳಗೆ ತನ್ನ ಬಿಂಬ ಕಂಡ ಕಂದಮ್ಮ ಶೀರ್ಷಿಕೆ : ಪಾಪು ಮತ್ತು ಕನ್ನಡಿ ನಮ್ಮಯ ಮನೆಯಲಿ ಇರುವದೊಂದು ಪಾಪು ಪಾಪುವಿನ ಮುದ್ದಾದ ಸುಂದರ ಹೆಸರು ಗೋಪು ಗುಳಿಕೆನ್ನೆಯ, ಹಾಲುನಗೆ ಗೆಜ್ಜೆನಾದದ ಪುಟಾಣಿ ಮನೆಯಲಿ ಎಲ್ಲರ ಮನಗೆದ್ದ ಕಣ್ಮಣಿ ಅಂಬೆಗಾಲಿಕ್ಕಿ ಕೋಣೆ ಸೇರಿ ನೋಡಿತು ಕನ್ನಡಿ ಮೊದಲ ಅನುಭವಕೆ ಸಂತಸವಾಯ್ತು ಇಮ್ಮಡಿ ತನ್ನ ಬಿಂಬವನೇ ನೋಡಿ ಹಾಕಿತು ಕುಣಿದು ಕೇಕೇ ಮುಟ್ಟಿ ನೋಡುವ ಸಂಭ್ರಮ ಕೇಳಬೇಕೇ!! ಬಾಲ ಭಾಷೆಯಲೇ ಶುರು ಸಂಭಾಷಣೆ ಇಣುಕಿ ನೋಡುವ ಸಂಭ್ರಮಕಿಲ್ಲ ಕೊನೆ ಕನ್ನಡಿಯು ಸೋತಿತು ಪಾಪುವನು ಕಂಡು ಹಿಗ್ಗಿ ಅಮ್ಮ ಕೊಟ್ಟಳು ಸಿಹಿಯ ತುಂಡು ವೇದಾವತಿ ಭಟ್ಟ ಮುಂಬೈ 
ಇನ್ನಷ್ಟು ಓದಿ

ಮೃಗಾಲಯ

ಶೀರ್ಷಿಕೆ : ಮೃಗಾಲಯ ನಮ್ಮೂರಿನ ರೈಲನು ಬೇಗನೇ ಎರೋಣ ಮೈಸೂರಿನ ಮೃಗಾಲಯಕೆ ಹೋಗೋಣ ಜಿಂಕೆ, ಆನೆ, ಕರಡಿಯ ನೋಡೋಣ ಹುಲಿ, ಸಿಂಹದ ಘರ್ಜನೆ ಕೆಳೋಣ ಉದ್ದ ಕತ್ತಿನ ಜಿರಾಫೆಯ ನೋಡು ಆಫ್ರಿಕದ ದೊಡ್ಡ ಆನೆಯ ನೋಡು ಬಣ್ಣಬಣ್ಣದ ಗರಿಯ ನವಿಲಿಗಿದು ತಾಣ ಇಹುದು ಗಿಳಿ, ಕೋಗಿಲೆ, ಹಂಸ, ಕಾಜಾಣ ನೀರಲಿ ಮೀನಿನ ಆಟವು ಮಜವು ಅಬ್ಬಾ! ಮೊಸಳೆಯು ಭಯಂಕರವು ಮೈ ಜುಂ ಎನ್ನುವ ಬಗೆ ಬಗೆ ಹಾವು ಸುತ್ತಲೂ ಇಹುದು ಹಸಿರಿನ ವನವು ಮಂಗ, ಚಿಂಪಾಂಜಿ, ಕುದುರೆ, ಗೋರಿಲ್ಲಾ ಬಗೆ ಬಗೆಯ ಜೀವಿಗಳು ಇಲ್ಲೆ ಇಹುದಲ್ಲಾ ಕಸಿದಿಹೆವು ಬಂಧಿಸಿ ಇವುಗಳ ಸ್ವಾತಂತ್ರ ಪಂಜರದ ಜೀವಿಗಳಿವು ಎಂದೂ ಪರತಂತ್ರ ಮನರಂಜನೆ ಹೆಸರಲಿ ಮಾಡದಿರಿ ಶೋಷಣೆ ಆಹಾರ ನೀರು ನೀಡಿ ಮಾಡಿ ಪೋಷಣೆ ವೇದಾವತಿ ಭಟ್ಟ ಮುಂಬೈ
ಇನ್ನಷ್ಟು ಓದಿ